Para as comunidades de augas da Galiza
O traballo da directiva e a información das familias, nun mesmo lugar. Organiza lecturas, coida a rede e mantén a comunidade ao día.
Un primeiro percorrido pola app, sen compromiso.
Unha comunidade, distintas tarefas
A directiva organiza, o equipo traballa no terreo e as familias consultan a súa auga. Todo conectado, con accesos segundo a responsabilidade de cada persoa.
Un lugar para organizar o día a día e dar continuidade ao traballo da comunidade.
Lectores e operadores co que necesitan para realizar o traballo que teñen asignado.
A súa auga, explicada con datos, datas e información publicada pola comunidade.
Da lectura ao seguinte relevo
Cada lectura, aviso e intervención queda no seu sitio. Para resolver o de hoxe e conservar o que fará falta mañá.
Organiza contactos e accesos. Conserva o histórico cando cambia a titularidade ou se substitúe un contador.
Prepara campañas e itinerarios, retoma a ronda e revisa lecturas pouco habituais. Consulta consumos e límites informativos.
Segue as incidencias, asigna ordes de traballo e deixa constancia das reparacións, revisións e limpezas.
Rexistra controis, analíticas e medicións dos depósitos. Consulta cada resultado coa súa data e comparte a información publicada.
Publica cortes, obras e comunicacións na app e por correo. Os contactos con email tamén poden recibir avisos sen ter conta.
Xera PDF e Excel e escolle que documentos ven as familias. Prepara dossiers para revisión e presentación manual.
Cada persoa accede á información e ás tarefas que lle corresponden.
Feita desde a realidade comunitaria
AUGAS nace das necesidades de Augas do Galiñeiro, en Vincios. Unha comunidade con décadas de traballo compartido e unha idea moi concreta: que a información siga na comunidade cando chega o seguinte relevo.
Augas do Galiñeiro Vincios · Gondomar
O punto de partida do proxecto. Tecnoloxía ao servizo da xestión comunitaria.
Como empezar
Unha demostración coas vosas dúbidas sobre a mesa e un comezo acompañado, adaptado á comunidade.
Nunha demo guiada falamos do que máis traballo vos dá e ensinámosvos como se resolve en AUGAS.
Configuramos o punto de partida: familias, tomas, rede e itinerarios. Podedes incorporar datos e lecturas que xa tedes en Excel.
A directiva activa a comunidade e autoriza os accesos. O equipo comeza a traballar e as familias reciben o seu convite.
Dúbidas frecuentes
Podedes usala no navegador do móbil ou do ordenador. Tamén se pode gardar como app no móbil. Cando hai unha nova versión, AUGAS avisa para actualizala sen interromper o traballo pendente.
Si. Primeiro hai que preparar a campaña con conexión nese dispositivo. Despois podedes rexistrar as lecturas, interromper a ronda e retomala. Ao recuperar conexión, sincronízanse coa mesma conta e cunha sesión válida.
Si. AUGAS permite importar familias, tomas e contadores, ademais das lecturas históricas, mediante modelos CSV ou Excel. Os datos revísanse antes de confirmar a importación e os erros indícanse por fila.
A directiva envía os convites e autoriza os accesos. Cada persoa usa a súa propia conta; a familia consulta a súa información e o equipo accede ao traballo que lle corresponde. Non hai rexistro público libre.
Na demo tratamos o prezo e as condicións para a vosa comunidade. A proba gratuíta de 3 meses valórase despois, cando hai encaixe e un acordo sobre como comezar con acompañamento.
Prepara informes e dossiers cos datos rexistrados. A revisión e a presentación, tamén en SINAC, seguen a cargo das persoas responsables. AUGAS non envía eses trámites automaticamente.
Falamos da vosa comunidade
Contádenos como vos organizades e que precisades resolver. Na demo veremos os percursos da app que máis vos poden axudar.
Despois, acordamos os datos que importar, os accesos e o acompañamento para comezar.
Unha demo coas vosas dúbidas sobre a mesa
No correo podedes indicarnos:
Abrirase o teu programa de correo cunha mensaxe que podes completar e revisar antes de enviala.
Tamén podes escribir directamente a info@augas.app.